Skólalóð Vogaskóla

Skólalóð Vogaskóla

Hvað viltu láta gera? Taka skólalóð Vogaskóla til gagngerar endurbóta. Í raun skammarlegt að Reykjavíkurborg skuli bjóða börnum í skólanum upp á jafn slaka aðstöðu og raun bera vitni. Börnin í Vogaskóla eiga skilið að leika við jafn góðar aðstæður og Reykjavíkurborg býður öðrum börnum upp á í öðrum skólum í Reykjavík. Ég myndi vilja sjá borgina setja annað undirlag á malbikaða fótboltavöllinn sem er ekki hægt að nota þegar illa viðrar vegna slysahættu og klaka. Setja gervigras líkt og gert var á Klambratúni og búa til sómasamlegan völl fyrir krakkana sem er hægt að nota allt árið. Lýsing á skólalóðinni er verulega ábótavant og nýtist skólalóðin yfir vetrartímann ekki eftir 17:00 þegar tekið er að rökkva. Í raun má segja að ekkert barn sé að finna á skólalóðinni að kvöldlagi vegna lélegrar lýsingar á skólalóðinni. Núverandi skipulag lóðarinnar var sömuleiðis teiknað áður en Vogasel kom sem tekur góðan hluta lóðarinnar. Nú er það Reykjavíkurborgar að hanna lóðina upp á nýtt svo sómi sé að. Ég myndi sömuleiðis vilja sjá nýtt undirlag á körfuboltavöll skólans líkt og sjá má í viðhengi. Þar má sjá myndir frá körfuboltavellinum í Varmahlíð. Þar má einnig setja körfur í mismunandi hæðum sem hentar fyrir yngri börn, fatlaða og eldri krakka. Leiktæki fyrir fatlaða og þá sem þurfa að nota hjólastóla, t.d. hjólastólarólu. Ætti að vera á hverri skólalóð. Kastali líkt og finna má í Húsdýragarðinum þar sem börn geta klifrað, hoppað og rennt sér. Yngstu börnin nýkomin af leikskóla og elska ekkert meira en að leika sér í slíkum kastala. Klifurveggur líkt og finna má í Ártúnsskóla væri þjóðráð að setja upp. Krakkar elska að klifra og gæfi þeim sem ekki sækja í boltaíþróttir að finna eitthvað við sitt hæfi. Battavöllurinn núverandi, "mini" völlurinn er ágætur en betra væri að stækka þann völl til að gefa fleirum tækifæri á að nota hann og setja upp "Fut Park". Ódýr og einföld lausn. Hægt er að bæta undirlagið talsvert á lóðinni, mikið um drullu og lítið aðlaðandi fyrir börn að leika sér í frímínútum eða eftir skóla í Vogaseli. Gefum börnunum tækifæri á að leika við mannsæmandi aðstæður líkt og í öðrum skólum í Reykjavík. Þau eiga það skilið. Hvers vegna viltu láta gera það? Þegar skólalóðir í hverfinu eða Reykjavík eru skoðaðar þá sést að Vogaskóli er algjört "Olnbogabarn" í hverfinu. Krakkar úr skólanum skila sér verr í íþróttir í hverfinu þó að hvergi í Reykjavík sé betra úrval. Aðstaða í skóla skiptir gríðarlega miklu máli upp á hvata og áhuga þegar kemur að hreyfingu, útiveru og íþróttaiðkun. Vogaskóli er sá skóli sem er fjærstur allri íþróttaiðkun í hverfinu og er það skylda Reykjavíkurborgar að finna lausn á þeim vanda sem hefur skapast, þ.e.a.s. að börn í skólanum skili sér verr í íþróttir en börn í öðrum skólum hlutfallslega. Þetta gæti verið einn liður í að bæta það.

Points

Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Hugmynd þín var metin tæk* af fagteymi sérfræðinga verkefnisins. Þær 5 hugmyndir sem fengu flest like í hverju hverfi, af þeim sem eru tækar, fara sjálfkrafa á kjörseðlana. Þín hugmynd var ein af efstu fimm og er því sjálfkrafa komin á kjörseðilinn í þínu hverfi. Næsta skref í verkefninu er að velja aðrar þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson hverfidmitt@reykjavik.is

frábær hugmynd! Loksins!

À börn í Vogaskóla og er sammála að leikvöllinn er óboðlegt í þeirri mynd sem hann eru dag

Frabær hugmynd og löngu tímabært

Styð þetta alla leið. Börnin í hverfinu nota einnig skólalóðina mjög mikið utan skólatíma, hún er í raun aðal samkomustaður þeirra. Með betri aðstöðu þurfa þau ekki að leita annað.

Ekki spurning, góð forvörn.

Löngu tímabært - Tek þessu fagnandi!!

ég var í Vogaskóla í 10 ár og á síðustu 3 árunum reyndi ég að gera allt til þess að fá betri fótboltavöll, körfuboltavöll og margt fleira, en skólinn sagði að ekki var til neinn peningur til að gera skólalóðina betri. LOKSINS

Góð hugmynd

Ég hef nú verið í vogaskóla alla mína grunnskólagöngu og það er löngu kominn tími á uppfærslu, fótboltavöllurinn til skammar og hvað þá körfuboltavöllurinn. en þó eru vogskælingar einir hressustu á landinu og því er tilvalið að gera þeim þennan greiða að gera skólalóðina í samræmi við andann í vogaskóla! held að það sé ekkert eftir ósagt nema LLLLIIIIIIFFIIIIIIII ÞRÓTTUR !!

Já löngu orðið timabært!

Flott að græja

Löngu tímabært og vonandi verður þetta loksins að veruleika.

Skólalóð vogaskóla hefur verið til skammar mjög lengi og þarf nauðsynlega að bæta og færa í nútímalegt horf.

Löngu tímabært

Skólalóð Vogaskóla er lōngu komin á tíma og sárlega þōrf á að endurnýja hana og endurhanna. Peningunum er vel varið með þessari hugmynd!

Virkilega komin tími á betri skólalóð

Algjörlega sammála, ekki sýst í ljósi þess að það er margföld notkun á lóðinni. Vogaskóli, Vogasel, Sumarfrístund og svo almenningur allt árið um kring notar þetta svæði.

Já! Krakkarnir eiga skilið að fá almennilegan leikvöll, núverandi leikvöllur er til skammar, þarna vantar betra undirlag undir fótboltavöllinn, betri aðkomu að körfuboltavellinum, almenniþegar klifurgrindur. Aparóla myndi líka slá í gegn

Góð hugmynd og fyrir löngu tímabær

More points (22)

Back to group

This content is created by the open source Your Priorities citizen engagement platform designed by the non profit Citizens Foundation

Your Priorities on GitHub

Check out the Citizens Foundation website for more information