Hvað viltu láta gera? Auka öryggi og draga úr hraðaakstri með hraðahindrunum í Faxaskjóli og Sörlaskjóli. Sérstaklega er slysahætta þar sem göturnar mætast og slys hafa orðið þar í gegnum tíðina. Hugmyndir sem tengja hraðahindranir og hjólastíg á grænu svæði frá Hofsvallagötu/Ægisíðu meðfram Faxaskjóli og Sörlaskjóli út að Vegamótum eru villandi þar sem hraðahindranir njóta mikils stuðnings en hjólastígur hefur hlotið mikla andstöðu íbúa í Skjólunum og annarra sem njóta fágæts og gríðarlega mikið nýtts útivistarsvæðis. Hjólastígur myndi að auki stórauka á slysahættu þar sem bæði fullorðnir, börn og dýr eru grandalaus. Hjólreiðamenn geta auðveldlega farið um á götum í Faxaskjóli og Sörlaskjóli þar sem umferð er sáralítil ellegar beina leið um Nesveg. Íbúar Skjólanna hafa þurft að standa vörð um þetta svæði áratugum saman þar sem ótal hugmyndir af mannvirkjum hafa komið fram í andstöðu við vilja þeirra sem vilja varðveita það. Hvers vegna viltu láta gera það? Auka öryggi vegfaranda og fækka slysum með hraðahindrunum. Varðveita grænt útivistarsvæði.
ómögulegt að hjóla Nesveginn, Faxaskjól og Sörlaskjól er góð hjólaleið. Skil ekki af hverju einhver er á móti því að þarna sé hjólað. Hjólreiðamenn halda ökuhraðanum niðri. Mætti ekki setja nokkur blómaker út á götu og gera hana að vistgötu? http://www.bb.is/2020/01/vistgotur-10-km-hradi-a-klukkustund/
það eru fjórar hraðahindranir í sörlaskjólinu að bæta annarri viðmun minnka stæðin í hverfinu
Gera götuna sjálfa til þess bæra að geta tekið bæði hjóla- og bílaumferð á þægilegan máta sem tryggi öryggi allra. Það verður ekki hægt að stöðva sívaxandi hjólaumferð og ef íbúar við Faxa-og Sörlaskjól eru tilbúnir til að draga úr og hægja á bílaumferð (og NB! hægja líka á hjólum á meðan farið er í gegnum þessar götur) þá hlýtur að vera hægt að hanna götuna svo hún beri bæði hjól og bíla í öruggri samferð.
Hjólreiðamenn eru ekki að hætta að hjóla þarna þó það komi hraðahindrun.
Endilega setja frekar hjólastíg heldur en hraðahindranir þarna og líka í Nesveginn, þar þarf einnig að laga gamgstéttina.
Hraðahindrun JÁ. Hjólastígur NEI! Minni á að strandlengjan í Faxaskjóli og Sörlaskjóli er FRIÐUÐ. Alveg nóg pláss á götunni fyrir hjólreiðamenn. ANNAÐ SEM ER LÖNGU TÍMABÆRT AÐ FJARLÆGA LJÓSASTAURA SEM ERU MIKIL SJÓNMENGUN OG LJÓSMENGUN Í FAXASKJÓLI. MÆTTI GERA ÞETTA AÐ SÉRLIÐ UM BREYTINGU TIL BATNAÐAR FYRIR ÍBÚA FAXASKJÓLS.
Varðveitum útivistarsvæðið.
Enn á ný. Það er enginn á móti því að fólk hjóli á götunum í Faxaskjóli og Sörlaskjóli, það er besta mál. Bara verið að tala um að malbika ekki hjolabraut í móann.
Stranlengjan við skjólin er allt of mjó til að þola slíkt viðbótarmalbik. og er mjög mikið notuð til útivistar af íbúunum þarna við í Sörlaskjóli og Faxaskjóli. Nárannar mínir í skjólunum eru hissa, og ég vona innilega að ekki verði að hjólreiðastíg þarna en þó vissulega sé þörf á hraðahindrunum í götunni þó ekki mikil umferð sé þarna alla jafna.
Hraðahindranir koma ekkert í veg fyrir að fólk geti hjólað á götunni eða gangstéttinni og skapa bara meira öryggi fyrir börnin sem búa í hverfinu á meðan hjólastígur myndi einfaldlega vera sjónmengun og líklega jafn vinsæll og hjólastígurinn á hofsvallagotu
Ég vil mjög mikið fá hjólastíg þarna. Hann getur verið partur af götunni svo ekki þurfi að taka meira gras.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021 þar sem hún flokkast sem viðhalds- eða öryggisverkefni. Hugmyndinni verður komið áfram sem ábendingu til viðkomandi sviðs innan borgarinnar. Viðhalds- og öryggisverkefni eru ekki lengur hluti af lýðræðisverkefninu Hverfið mitt. Réttur farvegur fyrir slíkar hugmyndir eru á vefnum: https://abendingar.reykjavik.is/. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
Ég er alveg sammála því að það væri ekki æskilegt að leggja hluta af grasinu unir hjólastíg, en mér finnst að það mætti alveg skoða það að nýta hluta götunnar undir það. Gatan er í dag nógu breið fyrir tvær akstursstefnur auk bílastæða; það væri kannski ekki fráleitt að fjarlægja annað hvort aðra stefnuna eða hluta bílastæðanna til að búa til stíg, eða þá að búa til hjólastíg alveg upp við götuna, eða einhverja blöndu af þessu.
Rósa Þuríður - það er enginn að reikna með því að hjólreiðamenn hætti að hjóla þarna, bara óþarfi að skemma þetta græna svæði með malbiki. Hraðahindrunum er hins vegar ætlað að draga úr hraða.
Sem hjólreiðamaður þarf maður hvort eð er alltaf að fara út á Nesveg þegar maður hjólar Reykjavíkurhringinn, það væri ekki hægt að leggja stíg alla leið því margar einkalóðir liggja niður að sjó. Stígur þarna væri því óþörf, dýr viðbót við stígakerfið.
This content is created by the open source Your Priorities citizen engagement platform designed by the non profit Citizens Foundation