Hvað viltu láta gera? Tengja saman Dalbrautarþorpið með tilliti til aðgengis íbúa þar (sem og annarra í hverfinu) að félagsstarfi. Hvers vegna viltu láta gera það? Félagsstarf fullorðinna er staðsett í tveimur húsum á svæðinu og þótt vissulega sé stutt á milli að þá reynist það oft fólki erfitt að fara á milli sökum veðurs og hálku. Myndin sem fylgir var tekin kl. 10:30 að morgni fimmtudagsins 14. janúar, en þá var afskaplega mikil hálka og erfitt að ganga um í hverfinu. Veður getur verið mjög hamlandi fyrir fólk sem er óstöðugt, eða styðst við hjálpartæki. Mikið rok, ofankoma, hálka og klaki, auk þess að þurfa mögulega að fara brekkur, smáar eða stórar, hefur allt neikvæð áhrif á möguleika fólks til að sækja sér þjónustu og félagsstarf. Því væri það mikil bragarbót á þorpinu ef hægt yrði að koma á t.d. undirgöngum eða einhverju álíka til að auðvelda þetta aðgengi þarna á svæðinu.
Það má leysa þetta með ýmsum hætti og hægt að byrja á að gera betra skjól og hita upp gangstéttina þar til fjármagn fæst í betri lausn eða aðstöðu.
Hér má nefninlega líka skoða vel og vandlega bílastæðamálin út frá aðgengismálinu. T.d. er bílastæðasvæðið á milli bláu húsanna mjög erfitt yfir veturinn því það verður ísilagt. Hversu dásamlegt væri hreinlega að setja allt þorpið í skjól bara? ;)
Þetta er svo frábær hugmynd og felur í sér meiri möguleika á hreifingu eldri borgara sem búa þarna og að auki fyrirbyggjandi varðandi slys.
Ég styð þessa tillögu 100%. Fjölskyldumeðlimur fótbrotnaði þarna við að gagna frá Dalbraut 14 yfir á Dalbraut 21-27 í hádegismat. Hann náði sér aldrei aftur á strik, enda 85 ára þegar hann brotnaði.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Hugmyndin þín var metin tæk* af fagteymi sérfræðinga verkefnisins og er ein af þeim hugmyndum sem stillt verður upp á fundi íbúaráðs Laugardals á mánudaginn næstkomandi þann 26. apríl milli kl. 17-19 þar sem valdar verða 25 af þeim hugmyndum sem verða á kjörseðli hverfisins í kosningunni í haust. Hér er hlekkur á facebook event fundarins sem verður opinn og streymt beint: https://www.facebook.com/events/439145210721546/. Í einhverjum tilfellum hafa hugmyndir verið sameinaðar þar sem þær hafa verið taldar mjög áþekkar annarri/öðrum hugmyndum og í nokkrum tilfellum höfum við gert litlar breytingar á hugmyndum til þess að þær falli betur að reglum verkefnisins.* Fundir íbúaráðanna þar sem valið verður hvaða hugmyndir fara á kjörseðla hverfanna næsta haust verða formlegir aukafundir þar sem allir geta tekið þátt. Við viljum eindregið hvetja þig til þess að taka þátt í fundinum í þínu hverfi og vekja athygli á honum og hugmynd þinni eins og þú hefur tækifæri til. Dagsetningar allra fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
Kæri hugmyndahöfundur Uppstilling kjörseðla fyrir kosningarnar í íbúalýðræðisverkefninu Hverfið mitt fór fram á opnum fundum íbúaráða Reykjavíkurborgar frá 22. mars til 20. maí sl. og liggur nú niðurstaða fyrir í öllum hverfum. Þín hugmynd var því miður ekki valin áfram og verður því ekki á kjörseðlinum að þessu sinni. Nánari upplýsingar um fyrirkomulagið má finna hér: https://reykjavik.is/uppstilling-kjorsedla-fyrir-hverfid-mitt Í fyrsta skipti var öllum boðin þátttaka í þessum lið ferilsins, þ.e. að velja hugmyndir á kjörseðilinn að yfirferðar- og samráðsferli loknu. Þátttakan í uppstillingunni fór fram úr björtustu vonum og ljóst að margar góðar hugmyndir verða á kjörseðlum allra hverfa Reykjavíkur í kosningunni í haust. Á www.hverfidmitt.is má sjá þær hugmyndir sem verða til kosninga í verkefninu Hverfið mitt þann 30. september - 14. október næstkomandi. F.h. Hverfið mitt Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation