Hvað viltu láta gera? Móta tjörn/tjarnir norðvestan við leikvöll (róló) í miðju hverfinu. Þarna þarf að halda áfram með endurheimt votlendis og hjálpa votlendisgróðri að koma sér á skrið, auka líffræðilega fjölbreytni í gróðri og dýralífi. Tjörn og votlendisumhverfi í miðju hverfinu myndi gera sterkari heildarsvip fyrir svæðið, sem samkomu stað. Þarna er útigrill svæði, leikvöllur, aparóla og ýmis leiktæki og gróður. Tjörn eða tjarnir væru punktur yfir i-ið. Hvers vegna viltu láta gera það? Þarna er votlendi sem var áður framræst. Fyllt var upp í skurði og örfáum trjám plantað en flötin er mýrblaut og erfið til sláttu. Svæðið nýtist illa eins og það lítur út í dag og trén hafa ekki gott af þessu umhverfi. Hvernig væri að snúa vörn í sókn og endurheimta votlendi alla leið? Sýna samfélagslega ábyrgð á litlum skala skiptir líka gríðarlega miklu máli fyrir heildina. Fá sérfræðinga Votlendissjóðs til að meta stöðu svæðisins.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021 þar sem verkefni hugmyndarinnar er ekki innan verkefna / valdheimilda Reykjavíkurborgar eða ekki á borgarlandi. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
Mjög góð hugmynd sem bætir lífríkið, fegrar umhverfið og við íbúar njótum.Já takk. Annars verður þetta svæði áfram bleytu svæði, og er einskis-manns land.Ekki fallegt.
This content is created by the open source Your Priorities citizen engagement platform designed by the non profit Citizens Foundation