Nýtt grænt svæði og torg við Grímsbæ

Nýtt grænt svæði og torg við Grímsbæ

Hvað viltu láta gera? Það eru miklir möguleikar á að gera svæðið fyrir neðan Grímsbæ frábæran stað þar sem íbúar geta komið saman. Svæðið leynir á sér og gæti orðið afar skemmtilegur garður með torgi og grænum svæðum. Í dag eru þarna rólur og eldgamlar tóftir og oft mikið rusl á stígunum og grasinu, enda engar ruslatunnur sjáanlegar í næsta nágrenni. Hugmyndin er sú að þarna komi ákveðið miðsvæði, sem vantar í hverfið og viðbót við þá þjónustu sem er nú þegar þarna í kring. Rúsínan í pylsuendanum verða síðan stór veggjalistaverk sem einkenna svæðið og munu verða mikið aðdráttarafl. Svæðið verður rammað inn með stórum listaverkum sem verða máluð á gafla húsanna sem snúa að svæðinu, en þeir eru hvítir og fullkomnir fyrir risalistaverk og gætu þau tengst á einhvern hátt og „tekið utan um“ þá sem koma inn á svæðið. Svæðið sjálft þyrfti að endurhanna með grasflötum og gróðri ásamt bekkjum, nægilegt pláss til að setjast niður, fá sér nesti eða kaupa veitingar. Væri gaman ef flatirnar verða einskonar tröppur vísa niður að sama stað, þar sem hægt væri að hafa lítið svið. Það væri gaman að gera þetta að miðpunkti hverfisins þar sem íbúar geta komið saman án þess að þurfa að keyra einhverjar lengri vegalengdir. Einnig væri flott að setja upp skemmtileg leiktæki fyrir krakkana og hafa útikaffihús þarna á sumrin. Það þarf að bæta aðgengi inn á svæðið, með sérstakri áherslu á göngu- og hjólastíga, en glæsilegur stígur er nú kominn við Bústaðarveg, steinsnar frá Grímsbæ, einnig stoppar strætó í næsta nágrenni. þá mætti setja sérstök hjólastæði þar sem hægt væri að pumpa í dekkin og herða lausa bolta. Þetta nýja svæði myndi ýta undir þjónustu sem er nú þegar í Grímsbæ en einnig væri möguleiki á að fá matarvagna í heimsókn þar sem hægt væri að koma saman og fá sér að borða. Þá væri hægt að nýta svæðið allan ársins hring og hægt að setja upp hitara og útiarin. Þá er ekki úr vegi að þarna verði settur upp lítill jólamarkaður í desember þar sem hægt verði að kaupa heitt súkkulaði, jólaglögg og ýmsar kræsingar. Hvers vegna viltu láta gera það? Til að bæta hverfið og líðan íbúa þess. Gera hverfið skemmtilegra og hafa falleg listaverk til að horfa á. Búa til miðsvæði þar sem allir geta komið saman og rætt málin, hist eða kynnst nágrönnum sínum.

Points

Ég labbaði þarna um daginn og hugsaði nákvæmlega það sama. Þarna er stutt í mat, fallegt og stórt tún með mikið af möguleikum. Það er vissulega ekki hægt að búast við því að borgin setji upp kaffihús á sumrin, en kannski ef að svæðið yrði fegrað og gert aðlandi fyrir gesti og gangandi myndu nógu margir koma til að lokka að veitingavagn. Annars er í húsinu bakarí sem selur uppáhellt kaffi :)

Geggjuð hugmynd!

Mjög þörf ábending, þetta svæði er orðið mjög lúið en gæti verið frábært.

Back to group

This content is created by the open source Your Priorities citizen engagement platform designed by the non profit Citizens Foundation

Your Priorities on GitHub

Check out the Citizens Foundation website for more information