Hvað viltu láta gera? Gosbrunnur á Klambratúni þar sem krakkar geta leikið sér í gosbrunninum á góðviðrisdögum. Hvers vegna viltu láta gera það? Krakkar hafa mjög gaman af því að ærslast í gosbrunnum.Leikgosbrunnur á Klambratúni eykur fjölbreytileikan á svæðinu, dregur að fólk og skapar líf og stemmingu í almenningsrými sem að er það sem gerir borgarlíf svo skemmtilegt. Það eru mörg dæmi um slíka gosbrunna í stórborgum en það getur verið mjög upplífgandi á stöðum þar sem er mikil steinsteypa að koma inn með nátttúruleg element eins og vatn og gróður. Í London er kveikt á leikgosbrunnunum hluta úr árinu og á vissum tímum dagsins og virka torgin vel bæði þegar kveikt er á gosbrunnunum og slökkt er á þeim. Hér væri hægt að hafa kveikt á gosbrunnunum á sumrin þegar veður er gott. Það rennur mikið hitaveitu affallsvatn til sjávar sem hægt væri að nota í svona verkefni. Það verður frábært ef það tekst að gera nýtt líflegt Hlemmtorg sem fyllist af fólki á góðviðrisdögum og færaa þannig miðborgina nær austurhlutanum.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Svæðið sem um ræðir er í uppbyggingu og/eða breytingar fyrirhugaðar á komandi árum og því ekki tímabært að kjósa um að svo stöddu. Hugmyndinni verður komið áfram sem ábendingu inn í það ferli. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation