Hvað viltu láta gera? Enda hraðakstur og auka öryggi allra í 30 km íbúahverfum með því að fjarlægja öll biðskyldu- og stöðvunarmerki og þar með "aðalbrautir". Láta þess í stað meginregluna "hætta til hægri" gilda á öllum gatnamótum innan þeirra. Hvers vegna viltu láta gera það? Akstur í 30 km hverfum á að krefjast stöðugrar aðgæslu og eðlilegt að akandi og hjólandi nálgist öll gatnamót með sömu varúð. Helsta hvatning til of hraðs aksturs og skorts á aðgæslu gagnvart t.d. umferð gangandi, er að vera á götu sem á réttinn á næstu gatnamótum.
Bý við hægri-reglu gatnamót og hef búið nálægt öðrum þannig gatnamótum áður og finnst meginreglan vera sú að fólk kunni alls ekki á þá reglu, heldur bruni í gegnum gatnamót þar sem ekki er bið- eða stöðvunarskylda. Frekar fjölga stöðvunarskyldum og/eða hraðahindrunum í íbúðarhverfum.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Skipulagsferill þessar hugmyndar væri of langur fyrir tímaramma verkefnisins eða hugmyndin samræmist ekki gildandi skipulagi á svæðinu. Hugmyndinni verður komið áfram sem ábendingu til samgöngudeildar umhverfis- og skipulagssviðs Reykjavíkurborgar. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation