Hvað viltu láta gera? Það væri yndislegt ef það væri kaffihús í Gerðunum. Grundagerðisgarður eða Hólmagarður væri kjörinn staður fyrir fjölskyldukaffihús eins og fjölskyldukaffihúsið Dalur í Laugardalnum. Þar gætu foreldrar komið með börnin sín og leyft þeim að leika inni og úti. Svona staður er kjörinn fyrir foreldra í fæðingarorlofi að setjast niður á rólegan stað þar sem er aðstaða til að vera með börn en það er ekki mikið um staði þar sem er hægt að setjast niður innandyra með lítil börn í Gerðunum. Aðrir staðir í Gerðunum koma eflaust líka til greina fyrir kaffihús. Hvers vegna viltu láta gera það? Ekkert kaffihús er í Gerðunum, kaffihús gerir meiri hverfastemmingu og gerir hverfið meira aðlagandi fyrir ungt fólk að búa í hverfinu.
góð hugmynd
Það eru margir heldri borgarar í hverfinu og þeir myndu líka nýta sér kaffihúsið.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Hugmyndin felur í sér verulegan rekstrarkostnað og fellur því ekki að reglum verkefnisins. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á facebook eventa og nánari upplýsingar má finna á vefsíðunni: https://reykjavik.is/uppstilling-kjorsedils-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-almennar-upplysingar-2020-2021. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation