Hvað viltu láta gera? Setja gangbraut og/eða ljós á gatnamót Frakkstígs og Hverfisgötu. Bæta aðkomu að Gistiskýlinu og Tónmenntaskólanum á Lindargötu. Laga hellulögn á Frakkstíg. Auka þrif á þessum svæðum. Hvers vegna viltu láta gera það? Frakkstígurinn er mjög fjölfarin gata. Bæði eru það börn á leið í skóla og/eða Tónmenntaskólann, gangandi vegfarendur á leið frá Skólavörðuholti og niður að Sólfari að ógleymdum gestum gistiskýlisins á Lindargötu. Bílamferð hefur aukist mikið niður Frakkstíginn og erfitt er að komast yfir Hverfisgötuna fyrir gangandi vegfarendur. Gatan hefur verið lagfærð að hluta en hluti hennar er þakin brotnum/skökkum hellum. Samhliða þessu legg ég til að gerð væri bragabót á ,,torginu" framan við gistiskýlið á Lindargötu. Gatnamótin og öll aðkoma að gistiskýlinu er kuldaleg og gera mætti Tónmenntaskólanum/franska spítalanum miklu hærra undir höfði. Einnig er nauðsynlegt að auka þrif á Frakkstíg neðan við Laugaveg í takti við þá starfsemi sem borgin rekur á Lindargötu.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021 þar sem hún flokkast sem viðhalds- eða öryggisverkefni. Hugmyndinni verður komið áfram sem ábendingu til viðkomandi sviðs innan borgarinnar. Viðhalds- og öryggisverkefni eru ekki lengur hluti af lýðræðisverkefninu Hverfið mitt. Réttur farvegur fyrir slíkar hugmyndir eru á vefnum: https://abendingar.reykjavik.is/. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation