Hvað viltu láta gera? Fá miklu sterkari og meiri lýsingu í Fossvogsdal. Varð óttaslegin þar sem ég labbaði fyrst niður hjá Skammtímavistun fatlaða Árlandi 1 svo var ég með lífið í lúkunum að fara yfir í Kópavog. Eina lýsingin var á brúnni og þegar komið var yfir í kópavoginn en Reykjavíkurmegin er skammarlega léleg. Hvers vegna viltu láta gera það? það er skýrt hér í texta hér fyrir ofan
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Það er ekki stefna Reykjavíkurborgar að lýsa upp malarstíga á útivistarsvæðum. Þeir eru hluti af þeim svæðum sem halda skal myrkurgæðum í hámarki og sporna við ljósmengun. Minni ljósmengun er í samræmi við græna vistspor Reykjavíkurborgar og stuðar að orkusparnaði og betra umhverfi fyrir flóru, og fánu Reykjavíkur. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation